ياسر قنطوش: "شيرين بصحة جيدة ومعندهاش مشاكل مع حد وهتوضح للناس كل حاجة قريب"
10:53 م الخميس 03 نوفمبر 2022 كتب – معتز عباس: كشف المحامي ياسر قنطوش، تفاصيل خروج الفنانة شيرين عبد الوهاب، من المستشفى بعد قضائها لفترة علاج، قائلًا: "الحمد لله ربنا قدرنا وشيرين خرجت من المستشفى ورجعت لبيتها وهي كويسة وبصحة جيدة وامورها تمام". وقال "قنطوش"، في مداخلة هاتفية لبرنامج "يحدث في مصر"، المذاع عبر فضائية "ام بي سي مصر"، اليوم الخميس، إنه تم تقديم مذكرة طبية لمجلس الصحة والنفسية، وشيرين خرجت من المستشفى بعد حصولها على أوراقها، متابعًا: "الخروج حصل نتيجة لتحرك قانوني وفي كذا اتجاه آخر، وشيرين خرجت معايا ورجعت لبيتها وبناتها وأمورها الصحية تمام". وأضاف: "شيرين رجعت لبيتها وبناتها وبدأت حياتها الحديدة، وكان لا يوجد ما يستوجب بقائها في المستشفى، وشيرين خرجت من المستشفى لوحدها ومكنش حد من أسرتها موجود". وتابع: "شيرين فتحت صفحة جديدة مع كل الناس وهتوضح كل حاجة الفترة القادمة، هي عندها شوية شغل ومجموعة حفلات وناس كلموها عشان تعمل حفالات، وهي مقبلة على شغل الفترة الجاية بشكل غير عادي وفي أقرب وقت هتوضح كل حاجة بوضوح للناس ومعندهاش مشاكل مع حد".
#ياسر #قنطوش #شيرين #بصحة #جيدة #ومعندهاش #مشاكل #مع #حد #وهتوضح #للناس #كل #حاجة #قريب
